Ghazal SMS Page 43
Phira Hoon Saray Zamanay Mein Dar'badar Kese
Main Tere Baad Bhi Zinda Raha Magar Kese
Wo Jaanta Hai K Kuch Roz Wo Nahi Tha Tou Main,
Pukaarta Raha Us Ko Idher udher Kese
Main Jis K Hijer Mein Roya Hoon Paaglon Ki Tarha
Wo Kal Mila Tou Mere Haal Pay Hansa Kese
Aziz'ter Thi Jisay Neend Sham-e-Wasal Mein Bhi
Wo Tere Hijer Mein Jaaga Hai Umer Bhar Kese
Kahan Ki Dosti, Kesa Firaaq, Kon Faraz?
Main Khud Tou Bhool Gaya, Tujh Ko Bholoon Kese
| Submitted By Muneer |
Kuch Na Kehna Chup Chup Rehna, Ye Bhi Ek Udaasi Hai
Hans K Saare Sadme Sehna, Ye Bhi Ek Udaasi Hai
Bethe Bethe Kho Sa Jana, Youn Hi Door Khayalon Mein
Chalte Chalte Hansty Rehna, Ye Bhi Ek Udaasi Hai
Maar K Kankar Lehren Gin'na Beth K Jheel Kinary Per
Kuch Logon Ka Hai Ye Kehna, Ye Bhi Ek Udaasi Hai
| Submitted By Muneer |
[Parveen Shakir]
Baad Muddat Usey Dekha Logo
Wo Zara Bhi Nahi Badla Logo
Khush Na Tha Mujh Se Bichar Kar Wo B
Uss Kay Chehre Pe Likha Tha Logo
Uss Ki Aankhein B Kehe Deti Theen
Raat Bhar Wo B Na Soya Log
Ajnabi Jo Ban K Guzra hai Abhi
Tha Kisi Waqt Mein Apna Logo
Dosti Tou Khair Koi Kis Ka Hai
Uss Ney Dushman B Na Samjha Logo
Raat Wo Dard mere Dil Mein Utha
Subha Tak Chen Na Aaya Logo
Piyaas Sehraon Ki Phir Tez Hoi
Abr Phir Toot K Barsaa Logo
| Submitted By Muneer |
Wo Udaas Dhoop Samait Kar, Kahin Wadiyon Mein Chal Diya
Ay Mere Dil Tu Na De Sada, Jo Guzar Gaya So Guzer Gaya
Ye Safar Kitna Taveel Hai, Yahan Waqt Kitna Qaleel Hai
Kahan Loat Kar Koi Aaye Ga, Jo Guzar So Guzar Gaya
Wo Wafaein Thee'n Ya Jafaein Thee'n, Ya Na Soch Kis Ki Khataein Thee'n
Jo Tera Hai Us Ko Galay Laga, Jo Guzar Gaya So Guzar Gaya
Ye Dunya Aik Fareb Hai, Yahan Koi Kisi Ka Apna Nahi
Ye Ujaar Mehlon Ki Sun Sada, Jo Guzar So Guzar Gaya
| Submitted By Muneer |
Mere Shehar Mein Ik Raat Basar Kar K Dekhna
Mere ird Gird K Logon Se Mil Kar Dekhna
Tere Baghair Hum Kis Tarha Jee Rahay Hain
Zara In Logon Se Poch Kar Dekhna
Jo Jaan Na Chaho K Hum Kitne Udaas Hain
To Sard Raaton K Tanha Chaand Ko Dekhna
Hum Sa Na Koi Tum Ko Mile Ga
Ek Baar Saari Dunya Ghoom Kar Dekhna
Tum Ko Hamari Hi Sada Aaye Gi
Apne Seeney Pe Haath Rakh K Dekhna
Kuch Aur Hota To Wo Bhi Tumhein De Detey
Ek Jaan Hai Kisi Roz Maang Kar Dekhna
| Submitted By Muneer |
Woh kisi or ka hoga to Qayamat ho gi,
Phir kisi ko bhi kisi se na mohabbat ho gi,
Usey dekhay koi acha nahi lagta mujh ko,
Us se barh kr bhi koi or muhabbat ho gi,
Raat kal chaand ko dekha to ye ehsaas hua,
Woh akela hai usey meri zarurat ho gi,
Ay "KHUDA" us ko kisi Or ka honey na dena,
Zindagi bhar mujhy phir khud say shikayat ho gi:-
| Submitted By Muneer |
Us Ada Se Bhi Hoon Aashna, Tujhe Itna Jis Pe Gharoor Hai
Main Jiyon Ga Tere Baghair Bhi, Mujhe Zindagi Ka Shaoor Hai
Na Hawas Mujh Mein Janaab Ki, Na Talab Saba-O-Shabab Ki
Tere Chashm-E-Naaz Ki Khair Ho, Mujhe Bin Piye Hi Saroor Hai
Jo Samajh Loon Tujhe Bewafa, Tou Es Mein Teri Hai Kia Khata
Ye Khalal Hai Mere Dimagh Ka, Ye Meri Nazar Ka Qasoor Hai
Main Nikal K Tere Naam Se, Na Giroon Ga Apne Maqaam Se
Main Qateel-E-Ishq-E-Sitam Sahi, Mujhe Tum Se Ishq Zaroor Hai
| Submitted By Muneer |
Tujhe Naaz Hai Main Haseen Hoon, Mere Gulistan Ko Zawal Kiya
Mujhe Fakhar Hai K Main Ishq Hoon, Jo Jala Na Doon Tou Kamal Kiya
Mujhe Zindagi Ki Dua Na De, Mujhe Zindagi Ki Talab Nahi
Meri Mout Ko Jo Taal De, Is Zindagi Ki Majaal Kiya
Humein Manziloon Ki Khabar Nahi, Humein Raah Guzer Ki Talash hai
Is Tarah Guzer Pe Nikal Pare Tou Urooj Kiya Zawal kiya
Tere Pyaar Mein Shikwe Gilay, Teri In Adaaon Pe Mar Chale
Jo Hayat Thi Tujhe Waar Di, Tou Jawab Kiya Or Sawal Kiya
| Submitted By Muneer |
*Parveen Shakir*
Hoon Tou Khafa Us Se, Par Jaane Phir Bhi Kyun
Na Chaah kar Bhi Us Ko Chaahna Acha Lagta Hai
Haqeeqat Se Hoon Door, Ye Mujh Ko Hai Pata
Par Jaan K Anjaan Rehna Acha Lagta Hai
Qaayil Nahi Main Rony Ki Phir Bhi Kabhi Kabhi
Tanhai Mein Kuch Dair Rona Acha Lagta Hai
Wo Mera Tha, Wo Mera Hai, Wo Mera Rahay Ga
Kuch Pal Is Khuwab Mein Khona Acha Lagta Hai
| Submitted By Muneer |
[Koi Kiya Janey]
Mosam-E-Hijr K Lamhaat "Koi Kiya Janey"
Kiya Guzerti Hai Mere Saath "Koi Kiya Janey"
Dooriyon Mein Bhi Tere Saath Marasim Hain Wahi
Roz Hoti Hai Mulaqaat "Koi Kiya Janey"
Log Hansti Hoi Aankhon Pe Yaqeen Rakhte Hein
Mere Aansoo, Mere Jazbaat "Koi Kiya Janey"
Aik Tu Hai Jisey Maloom Hein Saari Baaten
Shab-E-Hijran Mere Halaat "Koi Kiya Janey"
Koi Kiya Janey K Khamoshiyan Kiya Kehti Hein
Teri Aankhon K Sawalaat "Koi Kiya Janey"
| Submitted By Muneer |
<<First <Previous 41 42 43 44 45 46 47 48 49 50 Next>
